Лучшие книги Раисы Андреевны Боровиковой

У кнігу з серыі “Пераходны ўзрост” увайшлі творы сучасных пісьменнікаў адрасаваныя падлеткам.
Для дзяцей сярэдняга школьнага ўзросту” — падманвае чытачоў анатацыя кнігі, у якой нават сама паслядоўнасць тэкстаў уплывае на іх успрыманне.

Прыгодніцкія казкі Раісы Баравіковай даўно палюбіліся юным чытачам. І вось - чарговая кніга казак, напісаных ад імя астранаўта-беларуса. Дзівосны, заманлівы свет далёкіх планет адкрыецца чытачу і, безумоўна, захопіць не толькі неверагоднымі прыгодамі герояў кніг, але і цікавымі звесткамі пра асобныя зоркі і нават цэлыя сузор’і.

Пра далікатныя пачуцці расказваецца і ў аповесці Раісы Баравіковай, але гэта пачуцці ўжо іншага кшталту. Прышэльцы з іншасвету знаходзяць у дзяўчыне Насці Кропку вяртання, якую шмат у каго сцерла ці парушыла цывілізацыя.

Творы гэтай кнігі напісаны ў плыні псіхалагічнай фан­тастыкі. Калі чалавеку пачынае надакучаць будзённая адна­стайнасць зямнога свету, ён шукае ў сваіх думках свет пара­лельны. Менавіта гэты, паралельны свет пісьменніца Раіса Баравікова вельмі арганічна ўпісвае ў свет творчай фантазіі. У выніку атрымліваюцца займальныя і вельмі праўдзівыя сюжэты на тэмы жыцця і смерці, кахання і расчараванняў.

Апавяданні гэтага зборніка напісаны ў жанры псіхалагічнай фантастыкі. Калі чалавеку пачынае надакучаць будзённая аднастайнасць зямнога свету ён шукае у сваіх думках снег паралельны. Менавіта гэты, паралельны, свет пісьменніца Раіса Баравікова вельмі арганічна ўпісвае ў свае творчыя фантазіі. У выніку атрымліваюцца займальныя i вельмі праўдзівыя сюжэты на темы жыцця i смерці, кахання i расчараванняў.

Вершы

Всем известен библейский сюжет: Бог создал райский сад, поселил в нем Адама и Еву, которую соблазнил греховным плодом Дьявол в образе Змея... Но разговор в данном случае не о грехе, а о том, что на Земле у каждого из нас есть свой сад. Для известной белорусской писательницы Раисы Боровиковой этот сад - "Сад на шляпке возлюбленной". Каков он, пусть судит читатель.

Каханне — самае цудоўнае і трапяткое пачуццё, у якім чалавек выпрабоўваецца на вернасць, сумленнасць і высакароднасць. Кожны матыў, кожны вобраз кнігі адлюстроўвае самыя тонкія адценні закаханай душы. На завяршэнне зборніка пададзены лірычны цыкл «Саламея», прысвечаны вядомай славянскай асветніцы XVIII стагоддзя Саламеі Русецкай-Пільштыновай.

У адзін звычайны дзень у адной звычайнай кватэры з'явіўся кот. Але кот зусім не звычайны - сапраўдны кашэчы кароль! Сам таго не чакаючы, не прыкладаючы ніякіх намаганняў, ён дапамог няшчаснай мышцы Паднорцы, дачцэ магутнага цара Паднора, пазбавіцца ад чар і зноў стаць прынцэсаю. Выратаваная Паднорка заспяшалася ў роднае падзямелле да бацькі. Але - ці чакаюць яе там? А што, калі трон у тым царстве захапіў злосны Пацук-вядзьмак? І чаму ад Падноркі няма ніякіх вестак? Ці не трапіла яна ў лапы новага цара?
Не, кату Варгіну трэба неадкладна адпраўляцца ў дарогу і вызваляць мышку!
А дапамогуць яму ў гэтым клапатлівая Дамавуха, шляхетны Дамавік, гарэзлівы Паветрык, хітрыя Русалкі, цікаўны Вадзянік. Так, усіх гэтых міфалагічных персанажаў можна сустрэць і ў наш час. Трэба толькі пасябраваць з кашэчым каралём.

У гэтай кнізе чытач знойдзе радкі: «Мне так шкада, што неўзаметку гады Афеліі прайшлі...» Жыццё рухаецца, i хто як не жанчына ўсёй сваёй трапяткой прыродай адчувае гэты няўтольны, а часам жорсткі pyx. Мінаецца маладосць, i ўсё большае смутку. Сама назва зборніка адлюстроўвае гэты праўдзівы смутак, шчыры жаль. Кнігу завяршае драматычная наэма «Барбара Радзівіл» — вострасюжэтны, гістарычны твор. «1545 год. У чэрвені месяцы ў Пятроў пост памерла ў Вільні ў панядзелак каралева Эльжбета і пахавалі яе ля святога Станіслава ў капліцы Казіміра ў жніўні 24 дня. А пасля малады кароль, маючы слабасць да бялявых, пачаў мілаваць Барбару Радзівіл, якая была ўдавою Гаштольта, ваяводы троцкага, і жыла на той час пры сваёй маці і брату, падчашаму Мікалаю Юр’евічу Радзівілу. І кароль пачаў хадзіць да яе ноччу з палацу аж да дому яе і там у яе бываў часта».

Мамурык - з далёкай планеты Мамурыі, каго адна знаёмая дзяўчынка пісьменніцы Раісы Баравіковай, лаўрэата Дзяржаўнай прэміі Рэспублікі Беларусь, назвала міжпланетным Пажарнікам, даўно спадабаўся юным чытачам.
Кніга атрымала назву "Казачныя аповесці пра міжпланетнага Пажарніка і іншых мамурыкаў". Але падзеі, апісаныя ў ёй, разгортваюцца не толькі на Мамурыі. Мамуры і мамурыкі вельмі ўпадабалі нашу Зямлю, і ў казачных аповесцях дапытлівы чытач знойдзе шмат прыгод гэтых займальных і проста сімпатычных істот у мясцінах, добра знаёмых нам.
Кніга будзе садзейнічаць экалагічнаму выхаванню дзяцей.

"Краскі з гербарыя” — чатырнаццаць прыгодніцкіх казак пра рэдкія расліны, што ўпрыгожваюць нашу зямлю, а мы пра іх ведаем вельмі мала. Усе гэтыя расліны — насельнікі фантастычна-чароўнага свету Белавежскай пушчы.

Сама назва лірычнай кнігі гаворыць пра яе накіраванасць — «Адгукнуся голасам жалейкі». Душа паэтэсы адгукаецца на покліч Радзімы, прыроды, чалавека блізкага i далёкага, дзіцяці, каханага, на покліч будучыні. Калі б я знала, што — ў гадах? — была б да ўчынкаў асцярожнай, ды нават слова па складах раскласці не заўсёды можна. Калі б я знала,— дзе? Калі? — узнікне тая агароджа зямлі, дзе ўжо няма зямлі,— не пражыла б і дня, быць можа. Кал i б я знала, што няма душы, каб мне душой прыпасці, я не чакала б, я сама сабе адмовіла б у шчасці!

Кніга лірыкі лаўрэата Дзяржаўнай прэміі Беларусі, вя­домай пісьменніцы Раісы Баравіковай «Дрэва для райскай птушкі» — гэта вынік шматгадовай працы ў літаратуры тон­кага лірыка, філосафа, грамадскага дзеяча і проста жанчыны, якая кахае і хоча быць каханай.

У кнігу ўвайшлі лепшыя творы сучасных беларускіх празаікаў, рэкамендаваныя Міністэрствам адукацыі Рэспублікі Беларусь для чытання і вывучэння ў агульнаадукацыйных установах.

Новая кніга з серыі «Сучасная беларуская літаратура» сабрала творы ў жанры фантастыкі і містыкі. Апавяданні і аповесці, надрукаваныя ў кнізе, апісваюць жыццё на іншых планетах, а таксама зямное, блізкае — тое, што побач, але пры гэтым не меней цікавае і неверагоднае.
Адрасуецца шырокаму колу чытачоў.