Новинки Сяргей Дубавец

Кнігу складаюць эсэ, у якіх аўтар разьвітваецца са сваім ХХ стагодзьдзем і робіць падсумаваньне: што гэты век зьмяніў у сьвядомасьці беларускага чалавека, якім застаўся ў памяці і з чым перайшоў мяжу наступнага часу.

Тэма Кастуся Каліноўскага на Радыё Свабода за 20 гадоў
з рэдкіх кропель ператварылася ў магутную раку. Гэтаму
спрыялі малыя і вялікія падзеі вакол імя героя і ягоных
паплечнікаў, рэакцыя ўладаў, пошукі месца Каліноўскага
і ягонага паўстаньня ў беларускай гісторыі. Навіны, блогі,
інтэрвію, дыскусіі, архіўныя знаходкі, канцэптуальныя
эсэ — усё гэта склалася ў храналёгію, дзе аўтарскія
матэрыялы перамяжоўваюцца з інфармацыйнымі,
падрыхтаванымі службай навінаў Радыё Свабода.
У кнізе скарыстаныя фатaздымкі Ўладзя Грыдзіна
і Андрэя Шаўлюгі.

Хтосьці прачытае гэтую кнігу як гісторыю сучаснай Беларусі, хтосьці — як даведнік у судаводзтве, хтосьці — як дэтэктыўны раман з многімі літаратурнымі алюзіямі. Маштабны „Кветкавы працэс“ разглядаецца ўсебакова і ў драбніцах, нібы пад мікраскопам. Высновы прыводзяць аўтара да філязофскіх адкрыцьцяў.

Дзеяньне аповесьці "Д’ябал запрэжаны ў плуг" адбываецца ў наш час у чэскай Празе і на штаб-кватэры амэрыканскага Радыё Салярыс.

Героі шукаюць адказы на пытаньні: Як стаць вялікім? Як прадзерціся праз гэтыя чортавы церні да зораў?

“Я хацеў бы ўсіх, хто чытаў мае ранейшыя кніжкі, крыху расчараваць, таму што ў гэтай кніжцы нічога падобнага вы не знойдзеце. Гэта кніжка пра тое, чаго не бывае, ніколі не было і ў прынцыпе не можа быць. Гэта чыстая проза без ніякай публіцыстыкі, без нічога, што магло б здарыцца ў рэальнасці. Не ведаю, наколькі мне гэта ўдалося, я хацеў напісаць кніжку ні пра што. І калі мне ўдалося напісаць кніжку ні пра што, я буду адчуваць сябе шчаслівым чалавекам…” (Сяргей Дубавец)

Аўтар разглядае абсурдныя павароты беларускага лёсу, якія кожнага разу пачынаюцца з падмены словаў. Варта, напрыклад, вайсковую падрыхтоўку назваць ваеннай, як гэтая вузкаспэцыяльная справа, датычная выключна армейскага кантынгенту, ператвараецца ва ўсенародную падрыхтоўку да вайны, якая тычыцца кожнага і ўсіх. Падмена назваў і сэнсаў — скразная тэма кнігі.

"Вершы" Сяргея Дубаўца – гэта прыватнае дасьледаваньне сучаснай паэзіі, яе сутнасьці, структуры і "падводных плыняў". Упершыню "Вершы" прагучалі ў аўтарскім чытаньні ў перадачы "Вострая Брама" Беларускай службы радыё "Свабода" (2007).

Беларускі культурны кантэкст на мяжы стагодзьдзяў — адкрыцьці, парадоксы і правакацыі, выбраныя старонкі найноўшага нацыянальнага дыскурсу. Інтэлектуальны фэст.

"Дзёньнік прыватнага чалавека" - гэта запісы галоўнага рэдактара адноўленай "Нашай Нівы", зробленыя на працягу апошніх дзесяці гадоў.

В своих эссе и критических статьях Сергей Дубавец /род. в
1959 г./ пытается дать анализ глубокого кризиса советской культуры в
ее белорусской «разновидности»! размышляет над прошлым и будущим
белорусской литературы.
Рассказы С.Дубавца принадлежат к произведениям т.н.
«второй литературы» и выражают поиски новых, нетрадиционных путей
и образных средств.