Кроплі дажджу

Мікола Кандратаў позна прыйшоў у літаратуру. Як ён сам згадвае, пачаў стала пісаць у 37-гадовым узросце. Першую кнігу выдаў у 45 гадоў. Нельга сказаць, што для беларускай літаратуры гэта вялікае выключэнне, маем прыклады, калі пачыналі пісаць у пенсійным узросце і дасягалі добрых вынікаў. Варта яшчэ дадаць, што Мікола скончыў у 2005 годзе аддзяленне філасофіі і літаратуры Беларускага Калегіюма, і падчас навучання, відаць, быў падобны да Ламаносава, бо звычайна ў Беларускім Калегіюме вучыцца моладзь – пераважна студэнты ВНУ.

Такім чынам Мікола Кандратаў паспяхова прайшоў сталічныя літаратурныя ўніверсітэты, а сталенне яго як паэта адбывалася ў літсуполцы “Літаратурнае прадмесце” пад кіраўніцтвам Людмілы Рублеўскай. У выніку Кандратаў ужо мае тры ўласныя кнігі. “Кроплі дажджу” выйшлі ў…