Мімікрыя

Кніга Аляксандра I. Бацкеля — раман-мімікрыя. Раман, які хоча здавацца раманам. Кніга пра стыхіі і пра чатырох летуценнікаў. Раман аб кніганошах, пра каханне, пра літаратуру, пра магічнасць нашага жыцця. Пра Мінск і яго жыхароў. Пра свабоду і адчай. Пра адзіноту, хваробы, вагонь, пітво. "Мімікрыя" — даніна творцам, якія паўплывалі на стварэнне светапогляду аўтара: Берталучы, Віян, Набокаў, Кафка, японская манга, літаратурныя эксперыменты Бероўза і Томпсана. Гэтая кніга зазірае ў свет тых, хто жыве па-за грамадствам, соцыўмам і не імкнецца да яго далучацца, а хутчэй наадварот, пратэстуе супраць усяго будзённага, усяго масавага. Героі самі ствараюць сваё атачэнне, самі робяць яго такім, якім жадаюць бачыць, будуюць міфы й казкі, містыку й вусціш уласнага існавання, перамешваючы жыццё з літаратураю й гульнямі вакол слоў.