Міхайла Слабашпіцкі - все книги по циклам и сериям | Книги по порядку

У гэтай кніжцы жывуць найразумнейшыя папугаі. І з гэтай кніжкі вельмі добра відаць афрыканскіх кракадылаў. А цікавых таямніц ў гэтай кніжцы больш, чым старонак.

Гэтая кніга падобна на домік-пальчатку, бо ў ёй жывуць цікаўная рыбачка і зайчаня, якое лічыць сябе смельчаком, нарвежскі кот у каралях і нават цуд на балконе.
Як у іх атрымалася знайсці агульную мову і ўжыцца ў адной кніжцы, не звандраваўшы ў суседнюю казку?
Для чытання дарослымі дзецям.

Пад адной вокладкай чытачы знойдуць чатыры казкі аўтара: “Цікаўная рыбачка”, “Зайчаня, якое лічыла сябе смельчаком”, “Цуд на балконе” і “Нарвежскі кот не падвядзе”.

Міхайла Слабашпіцкі — украінскі празаік, крытык, літаратуразнаўца, публіцыст, грамадскі дзеяч, аўтар дзіцячых кніг, лаўрэат прэстыжных літаратурных прэмій. У сваіх казках – такіх простых і такіх шчырых – аўтар з вялікай цеплынёй і любоўю апісвае кожнага з герояў: ці гэта юны даследчык навакольнага свету, для якога сапраўдным цудам сталі качаняты, што “прапісаліся” на балконе, ці маленькае зайчаня, якое лічыла сябе смельчаком і вельмі засмуцілася, даведаўшыся, што яно – “звычайненькі пужлівы заяц”, або цікаўная рыбачка, якая дужа хацела трапіць на бераг і праз тое ледзь не пацярпела. “Нарвежскі кот не падвядзе” – гэта сапраўдны ўрок чуласці і дабрасардэчнага стаўлення да свету для маленькіх чытачоў і іх бацькоў.