Яўген Папакуль — новинки

Гэта кніга з’яўляецца першым зборнікам скандынаўскіх народных баладаў у перакладзе на беларускую мову. Творы зборніка перакладзеныя з шасці моваў: шведскай, дацкай, нарвежскай, фарэрскай, ісландскай і норн – а таксама суправаджаюцца арыгінальнымі тэкстамі. Тэматыку ўсіх баладаў можна сцісла апісаць як “каханне, смерць, пачвары”.

Кніга прызначаецца ўсім аматарам суровай і таямнічай скандынавіі.

«Песні пра герояў» — другая частка «Паэтычнай Эды». У кнігу ўвайшлі як вядомыя паэмы пра Сігурда і скарб Ніфлунгаў з «Кара леўскага кодэкса», так і найбольш адметныя гераічныя песні з асобных сагаў. Дадатак змяшчае адзіную хрысціянскую эдычную паэму «Песня пра сонца» і першы беларускамоўны пераклад з мовы норн — баладу «Хільдзіна». Выданне ўтрымлівае неабходныя каментары да кожнай паэмы з тлумачэннямі ўсіх кенінгаў.

Кніга адрасаваная ўсім аматарам скандынаўскай міфалогіі ды старажытнаісландскай літаратуры.

Пераклад са старажытнаісландскай і каментарыі Яўгена Папа­­куля.