Грамадская кампанія «Годна» сумесна з Еўрарадыё прадстаўляе грунтоўную працу — кніга «Беларуская нацыянальная ідэя».
Восемдзесят пяць інтэрв’ю пра нацыянальную ідэю Беларусі, А4-фармат, 600 старонак тэксту і тысячы яскравых думак вядомых, аўтарытэтных і паважаных беларусаў — вынік двухгадовай працы Змітра Лукашука і Максіма Гарунова над праграмай «Ідэя Х».
Словы аўтараў кнігі:
Беларуская нацыянальная ідэя — якая яна і ці ёсць яна ўвогуле? Цягам двух гадоў вядоўцы праграмы «Ідэя Х» Зміцер Лукашук і Максім Гаруноў шукалі адказы на гэтыя пытанні разам з гасцямі ў студыі Еўрарадыё. У кнізе сабраныя 85 інтэрв’ю з лідэрамі меркаванняў — ад першых кіраўнікоў Беларусі да сучасных блогераў — пра тое, што такое Беларусь, хто такія беларусы, якая ў нас нацыянальная ідэя і пра тое, што нас чакае ў будучым.
