Лучшие книги Лилье Сигурдардоттир

Drepsvart hraun er fimlega fléttuð og hressandi spennusaga um ókannaðar lendur og óhugnanlegar fyrirætlanir. Áður eru komnar út þrjár bækur um sömu persónur, Helköld sól, Blóðrauður sjór og Náhvít jörð.

Þegar Áróra fær þær fréttir að ókunnugt barn segist vera systir hennar endurfædd bregður henni illa þótt staðhæfingin sé fráleit. Hún hefur leitað systur sinnar án árangurs í þrjú ár en nú virðist þetta litla barn búa yfir nýrri vitneskju. Sama dag kemur lögreglumaðurinn Daníel heim og finnur kveðjubréf frá leigjanda sínum, dragdrottningunni Lady Gúgúlú, sem kveðst þurfa að fara úr landi í skyndi. Þetta hljómar einkennilega – og þegar ógnandi menn birtast í leit að drottningunni verður ljóst að eitthvað verulega undarlegt er á seyði.

Náhvít jörð er hrollvekjandi saga um glæpamenn sem svífast einskis og fórnarlömb mansals – þræla nútímans. Áður eru komnar út tvær vinsælar bækur um sömu persónur, Helköld sól og Blóðrauður sjór.

Á hvítum vetrarmorgni finnst yfirgefinn flutningagámur í Rauðhólum við Reykjavík. Þegar hann er opnaður blasir hryllingurinn við: fimm lífvana konur sem augljóslega hafa verið fluttar í þessum gámi yfir hafið. Hvernig getur svona lagað gerst og hverjir standa að baki þessari óhæfu?

Rannsóknarlögreglumennirnir Daníel og Helena mæta á vettvang og hefjast handa en á meðan sinnir Áróra, vinkona Daníels, öðru máli: Elín frænka hennar er í sambandi við rússneskan mann sem vill endilega að þau gifti sig en virðist hafa óhreint mjöl í pokahorninu …

Þegar athafnamaðurinn Flosi kemur heim í kvöldmat er allt á rúi og stúi en Guðrún kona hans horfin. Á eldhúsborðinu bíður bréf um að henni hafi verið rænt og ef Flosi greiði ekki himinhátt lausnargjald verði hún drepin. Hann má ekki leita til lögreglunnar en eftir krókaleiðum kemst hann í samband við Áróru, sem vinnur við að finna falið fé, og Daníel rannsóknarlögreglumann. Án þess að nokkuð spyrjist út reyna þau í sameiningu að átta sig á hvað hefur gerst. Getur verið að ránið á Guðrúnu tengist alþjóðlegri glæpastarfsemi og peningaþvætti – eða er skýringin ef til vill mun nærtækari?

Blóðrauður sjór er hröð og hörkugóð glæpasaga með óvæntum vendingum, sjálfstætt framhald sögunnar Helköld sól þar sem Áróra og Daníel voru líka í aðalhlutverki – og spennan milli þeirra tveggja fer síst minnkandi.

Lilja Sigurðardóttir hefur skrifað skáldsögur, leikrit og sjónvarpsþáttahandrit. Glæpasögur hennar hafa notið mikilla vinsælda og verið verðlaunaðar heima og erlendis; Gildran var tilnefnd til breska Gullrýtingsins og fyrir Búrið og Svik hlaut hún Blóðdropann og tilnefningu til norræna Glerlykilsins tvö ár í röð.

Búrið er æsispennandi lokaþáttur í þríleik Lilju Sigurðardóttur um eiturlyfjasmygl, efnahagsglæpi og eldheita ást í Reykjavík samtímans. Fyrri bækurnar, Gildran og Netið, hlutu frábærar viðtökur.
Búrið gefur þeim ekkert eftir.

Agla afplánar dóm í fangelsinu á Hólmsheiði. Ekkert bíður hennar utan múranna og Sonja ástkona hennar er horfin á braut. Agla er því fljót að grípa tækifærið þegar fulltrúi erlends stórfyrirtækis biður hana um aðstoð í máli sem ekki má fara hátt. Það snýst um flókið fjármálamisferli
og þar er hún á heimavelli. Með aðstoð Maríu, sjálfstætt starfandi blaðamanns, ræðst Agla til atlögu við hákarlana.
Álkóngurinn Ingimar á sér einskis ills von en þegar María fer að spyrja óþægilegra spurninga bregst hann snarlega við – og það er leikur kattarins að músinni. Í kjallaranum heima hjá honum liggja hins vegar dýnamítstangir sem hann veit ekki af og bíða réttu stundarinnar …

Ensk-íslensku systurnar Áróra og Ísafold búa hvor í sínu landi og talast ekki við. En þegar mamma þeirra nær ekki lengur sambandi við Ísafold krefst hún þess að Áróra fari strax til Íslands að finna hana. Þvert gegn vilja sínum flýgur Áróra heim í nístingskalda júníbirtuna og hrollurinn magnast þegar hún áttar sig á að systir hennar er ekki bara í fýlu heldur bókstaflega horfin. Sporlaust. Er Ísafold í felum fyrir ofbeldisfullum sambýlismanni sínum eða hefur eitthvað enn hræðilegra gerst? Lilja Sigurðardóttir hefur að undanförnu sópað að sér verðlaunum fyrir bækur sínar. Gildran var tilnefnd til breska Gullrýtingsins, einna virtustu glæpasagnaverðlauna heims, og fyrir tvær síðustu sögur sínar, Búrið og Svik, hlaut Lilja íslenska Blóðdropann og þar með tilnefningu til norræna Glerlykilsins 2018 og 2019.

Sonja heldur að hún sé loksins sloppin úr gildrunni, frá samviskulausum eiturlyfjamógúlum sem héldu henni í heljargreipum. En þegar drengurinn Tómas, hennar dýrasta djásn, er tekinn frá henni enn á ný er fjandinn laus.
Bankakonan Agla bíður dóms fyrir fjármálamisferli en fleira hvílir á henni: valdamiklir menn eiga hönk upp í bakið á henni og Sonja, sem hún elskar svo heitt, vill ekki sjá hana.
Atferli Sonju veldur Braga tollverði líka áhyggjum; hefur hann misreiknað sig? Taugar þeirra allra eru þandar til hins ýtrasta – og útilokað að allt fari vel.
Netið eftir Lilju Sigurðardóttur er æsispennandi glæpasaga, sjálfstætt framhald Gildrunnar sem kom út í fyrra og var afar vel tekið.

IN ENGLISH:
- IMPLICATED -
Sonja believes that she’s finally escaped the trap set up to ensnare her by unscrupulous drug lords. But when the person she cherishes above all else in the world, her son Tomas, is taken from her, all hell breaks loose again. Even though she sacrifices everything she owns in order to cut loose, freedom keeps slipping further away.
Former banker Agla is awaiting sentencing for financial misconduct, but that’s not all that troubles her: she owes money to some extremely powerful men and Sonja, whom she loves so dearly, doesn’t want to see her. Sonja’s behavior is also causing Customs Officer Bragi some concern; has he calculated wrong? All of them are in a nerve-wracking situation—and it’s impossible that it will end well.
Implicated is a thrilling crime novel and a stand-alone continuation of last year’s Trapped, which was very well-received. 353 pp
Sold to: France/Switzerland/Luxembourg/Canada
(Éditions Métailié); World English (Orenda B ooks)