Шрифт
Source Sans Pro
Размер шрифта
18
Цвет фона
Вражда на ближнего
Всякий, ненавидящий брата своего, есть человекоубийца (1 Ин. 3, 15).
Ном. 123. Аще кто имать вражду на кого, в храм да не входит, ниже приносы его, дондеже примирится, ибо молитва его в клятву и грех вменяется. Да творит же на всяк день поклонов пятьдесят.
Соф. 3. Аще кто из мирян, воспреобладав и пренебрегши повеления Божии и царские и поругавшись достойным благоговения церковным уставам и законам, дерзнет бить или заключать в темницу епископа или без вины, или под вымышленными предлогами вины, таковой да будет анафема.
Ном. 124. Аще кто во время причастия, печаль имея на брата, не даст ему мира, да будет отлучен. Аще ли священник со враждою литургисает, да будет празден 60 дней.
Ном. 125. Укоряяй и проклинаяй искренняго да отлучится три дни, сухо ядый с водою. Писано бо есть: глаголяй брату своему «рака» или «уроде» повинен есть геенне огненней (Мф. 5, 22).
Ном. 126. Аще же кто укорит священника, да запретится лето едино. Аще даст ему заушение или с древом [ударит], да запретится три лета, аще и священник простит ему согрешения.
Ном. 127. Аще кто имать злобу с неким и преставится едина часть, да запретится другая, о умершем лето едино и канон, отходя на гроб скончавшагося дней 40, глаголя в себе: «Прости мя, брате, и Бог да тя простит».
Ном. 129. Аще кто своя чада яко между себе воспитана любя, едино проклинает, другое же благословляет, едино ненавидит, другаго же любит и неравно им свое имение разделяяй, яко чадоне-навистник не причастится Божественных Таин, дондеже не исправится, да отлучится и от Церкве.
Кормчая, гл. 69. Вопрос: Кий грех творит молитвы наши не приятны Богу? Ответ: Гордость и злопомнение, писано бо есть: Господь гордым противится (Притч. 3, 34). И паки глаголет Господь: «Аминь глаголю вам, яко аще не оставите человеком согрешения их, ни Отец ваш Небесный оставит вам прегрешения ваша» (см. Мф. 6, 15). И возможе едино злопомнение погубити паче тмы согрешений.
