Шрифт
Source Sans Pro
Размер шрифта
18
Цвет фона
Номоканон о Крещении
Ном. 199. Да имаши иное место непопираемое на излияние великия агиасмы оныя, яже остается от Крещения, егда крещаеши детище, ибо великая есть агиасма.
Ном. 203. Аще же агарянския дети, крещени бывше по времени от кого, паки крещаются и тии послежде, аще от произволения обратятся ко истине.
Ном. 204. Подобне второкрещаются и елицы от несвященных крестишася, сиречь мирских. Обаче не второкрещаются, иже от причетник или от простца инока или диакона или от отца самого или христианина некоего православнаго по нужде не сущу священнику крещени суть.
Ном. 205. Вси во едино погружение крещаемии еретицы паки крещаются .
Ном. 206. Священник, аще яде, да не крестит, понеже и то есть служба Божия, обаче сущей нужде да крестит.
Ном. 207. Подобне и в великую Четыредесятницу крещати не подобает кроме великия нужды.
Ном. 208. Святое Крещение прежде Божественныя литургии до́лжно быти, да причастится отроча на литургии, егда сицевое случится время, сиречь кроме нужды.
Ном. 209. Аще несть ин поп, священник сам да крещает свое отроча, крещает же и той со инем приимцем. Аще ли будет приимец детища своего, разлучается своея жены, сиречь матери детища, занеже быша себе кумове .
