Акафист Пресвятой Богородице в честь иконы Ее «Достойно есть»

Икос 2

Ра́зумом богоозаре́нным но́вую песнь открыва́я, рече Арха́нгел послу́шнику, я́ко та́ко воспева́ют Тя, Богоро́дице, А́нгелов ли́цы в оби́телех го́рних, и повеле́ ему́, да возвести́т челове́ком словеса́ пе́сни небесны́я и научи́т их ангелоподо́бно пе́ти Тебе́́:

Ра́дуйся, благодатная Марие; ра́дуйся, я́ко Господь с Тобо́ю.

Ра́дуйся, благослове́нная в жена́х; ра́дуйся, неискусобра́чная Роди́тельнице Бо́га Сло́ва.

Ра́дуйся, непоро́чное селе́ние Ду́ха Святаго; ра́дуйся, зача́тие несказа́нное яви́вшая.

Ра́дуйся, рождество́ нетле́нное показа́вшая; ра́дуйся, Ма́терью и Де́вою пребы́вшая.

Ра́дуйся, во обою́ непоро́чно и свя́то себе́ сохра́ньшая; ра́дуйся, А́нгелов чистото́ю Твое́́ю превозше́дшая.

Ра́дуйся, го́рних умо́в непрестаю́щее удивле́ние; ра́дуйся, челове́ческаго ро́да возвыше́ние.

Ра́дуйся, христиа́ном Помо́щнице и милосе́рдая о гре́шных Предста́тельнице.